DÅP: Reklamekampanje for dåp, slik det no vert prøvd på, eller godkjenning av eit syn på ekteskapet som er tilpassa dei siste politiske trendane vil ikkje berga folkekyrkja, heller ikkje nye aksjonar for auka oppslutnad ved kyrkjeval og så videre, skriv Ingvard Hageberg.
Illustrasjonsfoto: Håkon Mosvold Larsen
Skal me melda oss ut?
Det greske Ecclesia er i vår Bibel er omsett med kyrkje. Det tyder eigentleg forsamling av menneske. Ved dåpen får me plass mellom dei som samlar seg kring Jesus. Me blir innlema i kyrkja, og det er trua som bind oss til dette fellesskapet.
Det er ikkje først og fremst dei som har medlemskapet i orden – som er innskrivne i eit register – som høyrer til kyrkja.
Medlemskap er ein ukjend tanke i Bibelen.
Kyrkja er ikkje ein organisasjon eller ein foreining, men eit fellesskap av truande. Dei som i tru samlast kring ord og sakrament, er kyrkja. Å høyra til kyrkja er å vera lem på Kristi lekam og leva det livet som vart gitt i dåpen.
