Debatt
SOM DEI SEIER: Kan vi stole på at Høgre seier sanninga og vil vårt beste, spør Ole G. Steen. Her er energi- og miljøpolitisk talsperson for HøGre, Nikolai Astrup, på Stortinget under eit møte om kraftsituasjonen.
Beate Oma Dahle/NTB
PDK åtvarar mot Ap og Høgre om straumprisar
Høgre var ein av hovedarkitektene bak både Acer-vedtaket og dei to monsterkablane som har øydelagt straumsikkerheita vår. Eit stort fleirtal på Stortinget bidrog til at energipakke 3 frå EU vart vedtatt. No ser vi Nikolai Astrup, energipolitisk talsmann i Høgre hevde, at vi må forte oss å få vedtatt EUs fjerde energipakke. Altså meir av den medisinen som har ført oss dit vi er i dag. Dei fleste oppegåande vil skjønne at det blir gale.
Straumrekninga tar no i snitt 5 prosent av familiens disponible inntekt, mot normalt 1 prosent. Matprisane har stege 10 til 15 prosent; auken kjem hovudsakleg frå importert mat og auka drivstoff- og straumpris.
Auke i gass-, drivstoff- og straumpris; er det framleis nokon som trur at dette vil forsvinne sjølv om Noregs Bank set opp renta? Sjølv om renta blei sett til 50 prosent så ville det ikkje rikke på straumprisen. Vi har lang erfaring med å gjere som EU seier.
