Ope brev til justisministeren om tvangstesting for utsending av asylsøkjarar

I ei pressemelding gjer justisministeren det kjent at regjeringa kjem med framlegg om nye reglar som gjer at personar utan lovleg opphald i Noreg kan få pålegg om å la seg teste, eller verte tvangstesta, for covid-19, slik at dei ikkje kan hindre utsending.

Kven som har teke initiativet til at regjeringa kjem med dette framlegget, veit vi ikkje. Men det er kjent at Politiets utlendingsenhet klagar over at asylsøkjarar trenerer utsending med å nekte å ta koronatest.

Det er vanskeleg å lese om dette framlegget frå regjeringa utan å tenkje på den saka som nettopp har vore framme i avisene. Ho handlar om ein asylsøkjar som har gjort utsendinga vanskeleg, fordi han er redd for tortur og kanskje avretting i heimlandet.