TAKK: I staden for å rakke ned på bøkene der dei tok vare på orda om Jesus til vår tid, burde vi takke Gud for den truskapen dei viste og lesa bøkene deira med glede, skriv Hans J. Sagrusten.
Illustrasjonsfoto: Florian Eisele, AFP Photo/NTB Scanpix
Om Det store puslespillet
Per Bergene Holm skriv om boka mi i Dagen den 30. september. Eg vil gjerne kommentere noko av det.
Bergen Holm skriv at « vi har svært få manuskripter fra før år 400 e.Kr.»
Dette er ikkje rett. Det finst i dag ca. 110 manuskript til Det nye testamentet frå før år 400. Blant desse er det både heile nytestamente, delvis bevarte evangeliebøker og mindre delar av boksider.
110 manuskript som ligg mindre enn 300-350 år etter originalen i tid, er ikkje «svært få». Tvert imot er det eit sensasjonelt høgt tal, om ein samanliknar med andre skrifter frå antikken.
