Nyateismen på tilbakegang – sjølvsagt!

Frå rundt 2000-årsskiftet og utover var det i Vesten ein nokså sterk framgang for ateismen. Sidan dette kom som ei bølgje og hadde ei litt anna og meir aggressiv form enn slik vi tidlegare møtte denne åndsretninga, vart det gjerne kalla nyateisme.

Nokre av dei fremste talsmennene for nyateismen var i England, og nokre var framståande vitskapsfolk, om enn på andre område enn filosofi, livssyn og religion. Her i landet låg vi i front av den nyateistiske bølgja, og då kombinert med tru på evolusjonslæra. Sett i lys av folketalet har Noreg i mange år vore ei humanetisk stormakt globalt sett.

No vert det meldt at nyateismen er på tilbakegang. Fleire av dei fremste representantane har vedgått at kristendommen har hatt stor betydning for den positive utviklinga som har vore i Europa og Amerika, og at det er umogleg å forstå dagens samfunn utan på denne bakgrunnen.