Noreg treng sjukepleiarar

Det fagleg sterke blikket som veit kva som skal gjerast når det hastar, og den trygge handa når det kjennest ut som at verda rasar saman...

Ifølgje prognosar kjem vi til å mangle 28.000 sjukepleiarar i 2035. Skal vi ha nok sjukepleiarar til å vere der for oss gjennom livet, er det avgjerande at vi lukkast med rekrutteringa til sjukepleiarstudiet, at fleire studentar fullfører utdanninga, og at vi klarar å behalde sjukepleiarar i yrket.

Tal på søkarar til sjukepleiarstudiet er det lågaste på mange år. Nedgangen er på 22 prosent frå i fjor. Vi skulle sjølvsagt sett at søkartala heldt seg stabilt høge, men søkartal svingar alltid litt.