Debatt
KRF-POLITIKK: Skal ein vere mot noko, så må ein kunne presentere ei betre løysing, skriv Trude Brosvik. Her talar ho på valvaka til KrF Bergen og KrF Vestland hausten 2019.
Astrid Dalehaug Norheim
Nokre saker gjer at KrF ikkje eingong vert vurdert
Noko av grunnen er at vi gjennom media heile tida blir klistra til eit karikert bilete.
Takk til Tarjei Gilje for velskriven kommentar i Dagen 18.01.23.
Som KrF-tillitsvalt vart tankane raskt overført på politikk. Sjølvsagt fordi KrF byggjer på bibelske verdiar og markerer det tydeleg med partinamnet. Og fordi KrF så lenge eg har vore med, har hatt ei riving mellom konservatisme og liberalisme etter to aksar; den politiske og den «kristne».
Gilje siterer tidlegare Høgre-statsråd Torbjørn Røe Isaksen som sa at «konservatisme handler ikke om å forsøke å stanse tiden, men om å håndtere endring». Ap sin Martin Kolberg har sagt noko liknande; det partiet som ikkje klarer å ta opp i seg endringane i samfunnet og hos folk, vil tape (fritt sitert etter hugs).
