Me forstod

Var og høyrde ein som hadde foredrag om noko heilt jordisk, materielt. Etter foredraget snakka fleire saman og undrast. Han der må vera ein kristen. Ikkje eit Guds ord vart nemnt, men det var ei kristen ånd som prega mannen. Dei som hadde fått han til å ha foredraget fekk spørsmål om han er ein kristen. Dei spurde han. Ja, han var ein kristen.

Du merka det, ja, han vitna utan ord. Det vart uttala om ein forkynnar som sjølv klaga over at det var vanskeleg å koma med eit personleg vitnemål i preikene.

«Me merkjer at han har personleg kjennskap og erfaring i det han talar om.» Ja, me merka at det ikkje var teori, men liv, noko han levde i og av.