Meninger
FILIP: Denne vinteren har eg på nytt arbeidd ein del med tekstane i Apostelgjerningane om evangelisten Filip, skriv Olav Vestbøstad.
Odd Mehus
Livslang teneste
«Jesus, her er jeg, send meg.» Eg veit ikkje kor mange gonger eg song den strofa frå Arnold Børud i løpet av ungdomstida mi, men det var mange. Songen var også ein del av bønnelivet mitt, og eg hadde eit sterkt ynske om å få leve livet mitt i teneste for Gud.
Dette ynsket førte meg til bibelskule, misjonsskule og så misjonærteneste i Indonesia. Så langt har det berre blitt seks og eit halvt år i Indonesia. På misjonsskulen såg eg for meg at det skulle bli meir. Dei siste 17 åra har eg hatt tenesta mi i Norge.
Mykje av jobben min går ut på å møte menneske. Eg møter unge som tenkjer på om dei skal bli misjonærar, og eg har ansvar for oppfølging av utsendingar rundt om i verda. Nokre gonger møter eg også menneske som relativt brått må slutte i ei meiningsfull teneste. Kva skuldast det at det ein trudde var livskallet berre varte nokre få år?
