Kultur for å knela

Har det noko å seia at nye kyrkjer droppar knefall som del av interiøret?

I samband med vigslinga av Sædalen kirke sist veke, laga kollega Bjørn Olav Hammerstad ein tankevekkjande reportasje om at altarring med knefall er på veg ut som ein del av kyrkjeleg interiør. 

I den nye kyrkja ved Bergen er altarringen liten. Dessutan har han lause og flyttbare delar for maksimal fleksibilitet. I staden for ein upraktisk og «uhamsleg» altarring, har ein valt ei løysing som gjer det enkelt å endra bruken av og uttrykket i rommet. Dette gjeld ikkje berre Sædalen, men ser ut til å vera ein trend.