BERRE MENN: «Sjølv om samtids-religionane hadde rikeleg med kvinneleg presteskap, sette Jesus inn berre menn. Han hadde sine grunnar», meiner innsendaren. Illustrasjon: Adobe Stock
Kristendommen er patriarkalsk – vi kan ikkje like gjerne be «Moder vår»
C. S. Lewis skreiv at den kyrkja som startar å ordinere kvinner til presteembetet, vil snart begynne å kalle Gud mor. Det vil bli ein annan religion.
I likestillinga sitt namn er ordet «patriarkalsk» nærast utrydda frå kyrkjeleg ordbruk. Det er synd, for dermed misser vi innsikt i eit grunndrag i all kristendom.
Kristen tru startar med «Eg trur på Gud Fader, som skapte himmel og jord». Ordet «patriarkalsk» er samansett av orda for far» (pater) og for «opphav» (arché). Alt har sitt opphav i Faderen. Dette er felles for jødisk og kristen tenking.
Det er Faderen som har fødd Sonen, Jesus Kristus, og han er kjelda som Heilaganden utgår frå. Han har gitt namn til alt som heiter far i himmel og på jord. Og både Jesus Kristus og Heilaganden lærer oss å seie «Abba Fader».
