Kommentar
MASTEROPPGÅVE: Jan-Petter Mobergs arbeid med såkalla kristen dekonstruksjon har fått mykje merksemd denne hausten.
Bjørn Olav Hammerstad
Kristen dekonstruksjon som danseproblem
Det som får stå urørt gjennom såkalla dekonstruksjon, røper kva som vert rekna som heilagt når Gud blir borte.
Eg skal ikkje påstå at eg kjenner hitlistene særleg godt, men den tvilsame «Danseproblem» er ein hit med uvanleg hjerne-klister. Songen handlar om å villa «danse for meg selv/alene nå i kveld/og miste det helt».
Pop-hit eller ikkje, det nærmar seg ein presis samfunnsdiagnose. I eit individorientert samfunn finst mange «danseproblem», og eg lurer på om dekonstruksjon er eitt av dei.
Etter årevis med fragmentering, dekonstruksjon og andre postmoderne straumdrag i samfunnet, har dekonstruksjon også fått ein kristen variant.
