Kom til topps i skrivekonkurranse ved å løfte friviljugheita

William Matteus Fonn (17) frå Namsos vann i april ei skrivekonkurranse om fritid, arrangert av framtida.no og foreningen Les! Innlegget er tidlegare publisert på framtida.no.

Koronapandemien gjorde fritida både vanskeleg, keisam og avgrensa for mange i samfunnet vårt. Mange av oss fekk også erfare kor mykje det kan bety at nokon brukar fritida si for å gjere andre sin kvardag betre og enklare. Det har lært meg at det viktigaste ein kan bruke fritida si på, er å bruke ho for andre.

I løpet av 2022 har me på fleire felt komme tilbake til der me var før pandemien. Klemming, helsing og det å møtast er no blitt vanleg igjen. Å miste moglegheita til å møte og vere der for ein ven når det trengst, har vore hardt. Difor lærte eg kor viktig det er å bruke fritida si for andre.