Kan vi stå i fare for å gjere Gud til vår tenar?

Det er noko eg har uroa meg over i dei seinare åra. Og det er kva syn vi truande har på Jesus. Bethel Church i Redding, California, har vore ei stor inspirasjonskjelde for ungdommar, også i Noreg, over eit par tiår. Men kva lærer pastor Bill Johnson om Jesus? 

Ein del av teologien hans er i mine augo svært tvilsam. Bill Johnson er svært opptatt av helbredingar, under og mirakel. Ifølge Johnson er Guds herlegdom fråverande der mirakel ikkje skjer. Han skriv: «Når miraklene er fraværende, er også Guds herlighet - fraværende» (Når himmelen inntar jorden s. 144). 

Er dette verkeleg tilfellet? Kan ikkje Gud bli herleggjort og Andens nærvær kvile over ei forsamling som forkynner Guds ord i truskap, utan å oppleve helbredingar, under og profetisk tale?