Ja til Bibelen

Det går mot jul. I kjøpesenter, på konsertar av ulikt slag, kan vi høyra vakker musikk og kjente og kjære julesongar. Opphavet til mykje av denne musikken og dei songane finn vi i juleevangeliet.

I Grunnlova § 2 finn vi kva som er verdigrunnlaget for Norge: «Verdigrunnlaget skal framleis vera den kristne og humanistiske arven vår.» I § 4 står det også at Kongen skal vedkjenne seg til den evangeliske religionen. Så ut frå lovverk og tradisjonar, burde det ikkje vera tvil om at Bibelen skal ha ein sentral plass i norsk skule og samfunnsliv.

Men Human-Etisk Forbund vil ikkje at Bibelen skal gjevast av Norsk Gideon til til norske skuleelevar. Det er forkynning, og den slags forkynning høyrer ikkje heime i norsk skule, meiner dei. Då eg las dette oppslaget i media, vart eg både spørjande og undrande.