Hen – nytt pronomen?

Det er mykje i dag me berre kan stilla oss undrande og spørjande til. Til no har me levd med at me har to biologiske kjønn: hankjønn og hokjønn – han og ho. Men no har dei som meiner seg å vera fødde i feil kropp, vunne fram med at i grammatikken skal det vera eit tredje kjønn.

Kva det kjønnet skal heita, har eg ikkje fått med meg. Men på internett fylte eg ut eit spørjeskjema nyleg. Der var det tre «boksar»: Hankjønn – hokjønn – anna. Men er anna ei godt og dekkjande ord for eit tredje kjønn?

Når det gjeld alle offentlege nemnder og utval skal begge kjønna vera representerte. Men no? Skal også det takast omsyn til «henkjønnet» når nemnder og utval skal veljast?