Debatt
ESTLAND: I Estland vert patriark Kirills (biletet) krigserklæring av fleire oppfatta som ein direkte trussel mot Estlands eksistens, skriv Bård Norheim. Biletet er frå ortodoks påskefeiring søndag 5. mai.
Sergei Vlasov
Har eit kloster religionsfridom?
Norske kyrkjeleiarar og politikarar gjer lurt i å merka seg det dramaet som no utspelar seg kring Kuremäe kloster i Estland.
I det nordaustlege hjørnet av Estland, ikkje langt unna grensa til Russland, ligg det eit umåteleg vakkert russisk-ortodoks kloster, med eit svært rikt bøne- og gudstenesteliv. Det legendariske Kuremäe nonnekloster. No har dette klosteret hamna i klemme.
Etter at leiaren for den russisk-ortodokse kyrkja, Moskva-patriark Kirill, i slutten av mars i år uttalte at Russlands krigføring i Ukraina er del av ein heilag krig mot eit satanisk Vesten, øver fleire estiske politikarar sterkt press på klosteret. Dei vil at klosteret skal seia frå seg tilsynet frå Moskva.
FNs menneskerettar stadfestar at einskildmenneske har religionsfridom, men har eit kloster eigentleg religionsfridom?
