Gravferd utan Gud

Både gravferdsagentar og prestar krev ny gravferdsliturgi. Det starta med misnøye med Joh 3,16 som fast innslag. Men no vil ein gå lenger.

I ei tid då oppslutnaden om gudstenester og kyrkjelege handlingar er i generell tilbakegong, brer panikken seg på vegner av den breie kontaktflata.

Gravferder har vore rekna som sikraste skanse for folkekyrkjeleg oppslutnad. Som ein engelsk organist formulerte det: «Funerals are popular.» Men heller ikkje det ser no ut til å vere sikkert.