Foreldre må kunna leggja vekk sine kompliserte liv for ein dag

Nyleg kunne Stavanger Aftenblad melda at rekordmange 15-åringar no vel vekk konfirmasjonen. Rundt 12 prosent av dei i det aktuelle årskullet droppa i 2023 å ha nokon seremoni i det heile. Kvifor er det slik?

Ofte har vi sett endringane i konfirmasjonstradisjonar i lys av sekulariseringa. Human- Etisk Forbund har gjennom åra styrkja sin posisjon vis-a-vis kyrkja. Kyrkja og kyrkjelege ritual har mista rolla som ein sjølvsagt stad for livsriter og markeringar.

Nedgangen i kyrkjeleg konfirmasjon er naturlegvis ein viktig indikator for sekularisering, men biletet er samansett. Fleire kristne organisasjonar tilbyr no konfirmasjon på bedehuset. Frå den siste undersøkinga, er det vanskeleg å få eit heilt klart bilete av korleis fordelinga mellom ulike konfirmasjonsarenaer er.