| I Fokus
Er ikkje sterk nok
IKKJE STERK NOK: Adam og Eva lytta fyrst til Herren, men var ikkje sterk nok å stå imot slangen, skriv Gudleik Himle.
Adobe Stock
Har du lese – spurde dei ein traust kristenleiar, soliditeten sjølv. Nei, eg er ikkje sterk nok, kom svaret. Han som fortalde dette sa. Var det nokon som me rekna som sterk og grunnfesta var det han. Han tilføydde. Han kjente seg sjølv.
Ver forsiktig song me på sundagsskulen. Har ikkje alltid vore det. Har både lese og høyrt ting som ikkje var bra, og diverre sette det seg fast, mot min vilje.
Har kjent folk som var så tindrande klåre og såg alle avvegar. Dei studerte avvegane og åtvara mot dei. Ja, studerte fallgruvene så godt og nøye at dei hamna opp i dei. Dei vart så kjente med avvegane at dei tapte vegen av synet. Så opptekne med dei som for vill at dei sjølv hamna på villfarings veg.
