KRISTENFOLKET: Eg oppfordrar sterkt kristenfolket frå nord til sør, i aust og vest, til å gjera det same. Støtt opp og samle oss om Senterpartiet no, skriv Tore Arnegard. På biletet ser vi Sp-leiar Trygve Slagsvold Vedum.
Terje Bendiksby / NTB
Eit rop frå folkedjupet
Til hausten sitt stortingsval 2021 vil eg som kristen gje mi røyst til Senterpartiet, og ikkje til Kristeleg Folkeparti, som eg tidlegare har vore vararepresentant til Stortinget for.
Me lever på nyåret 2021. Sentralisering er for enkelte det heilage ordet for framsteg. Det dreg oss framover, men som oftast ikkje til det betre.
Verda vert stadig meir urban. Det meste får du på nett. Men kor mange av dagen sine ungdommar har eigentleg klappa ein hest?
Stadig kjem det nye skrivebordsreformar frå sentralt hald. Dei vil sentralisere. Folket i bygdene vil det motsette. Den vanlege mann og kvinne i gata vil at bygdeverdiane skal styrke seg.
