Eit handfast forsvar av trua

Takk til debattredaksjonen for illustrasjonen de har funne til innlegget mitt fredag, 6. mai. Som det går fram av boka eg nemner i innlegget, er dette eit autentisk bilete av Jesu døde lekam, og i boka blir det gjort greie for heilt handfaste bevis. Eg bruker tid kvar påske til berre å sjå på dette biletet av den døde Jesus sitt andlet, som trass i pinsler og tortur han nettopp hadde vore igjennom, er direkte vakkert. Og i boka som eg nemner, står det slik på side 23:

Mange har påpeikt det underlege i at mannen på likkledet – trass i den verst tenkelige tortur – har et roleg ansiktsuttrykk. Han stråler ut ei uventa og påfallande grad av verdigheit.

I innlegget mitt nemner eg ikkje dei to myntane som er tekne med i det illustrerande biletet. Dei vart oppdaga i den grundige fototekniske analysen av likkledet, ein over kvart av Jesu auge. Myntane er omtalte i boka som eg nemner side 28, men mykje meir grundig i Jostein Andreassen si bok frå 2011: «Likkledet i Torino», side 78 – 86.