Eg likar aviser som Dagen og Vårt Land. Dei femner mykje vidare enn t.d. VG og Dagbladet. No er det snart val att og avisene vil bera preg av det.
Vårt Land har ein undertittel som eg har merka meg: «Og dette ber jeg om, at deres kjærlighet må bli mer og mer rik på innsikt og dømmekraft». Ordet er henta frå Bibelen og er ein god vegvisar for oss alle.
Setninga har særleg aktualitet i ein valkamp der det er lett for at mykje usant og ufint kan verta sagt. Som kristen ynskjer eg at kristne verdiar skal vera fundamentet i samfunnet. For meg er synet på menneskeverdet heilt sentralt, og det er særleg aktuelt når det gjeld abort, surrogati, dødshjelp og u-hjelp.
