| Kommentar
Biskopens svar minner litt om TORO-reklamen
KYRKJELEG PRONOMEBRUK: Er det same om ein omtalar Gud som «han» eller «ho»? Debatten går i Dagen.
Bjørn Olav Hammerstad
I svaret frå Biskop Stig Lægdene på spørsmåla mine til hans bruk av hokjønnspronomen på Gud, ser det ut for at retorikken min står i vegen for å få ordentlege svar. Han meiner eg er ute i ein «lett ironisk tone».
Når eg les kommentaren min på nytt, meiner eg det framgår tydeleg nok at eg er oppriktig i spørsmåla eg stiller. Men sidan biskopen oppfattar meg ironisk, og temaet er svært viktig, kan det vera greitt med ein kortfatta respons.
Det første poenget hans er at språkleg nyvinning må til ettersom kristendom «ikke er en forsteina tro». Slik eg les Lægdene, er det «takket være Ånden» fritt fram til å koma opp med andre uttrykksmåtar om Gud enn dei Bibelens språk gir dekning for.
