| Leder
Biletet er rett ut sagt profetisk
IKONISK: Vi likar å seia at vi er opptekne av barnas perspektiv. Men sjansen for at bileta av Mynte Neteland (1) overraska oss, er stor.
Odd Mehus
Bileta frå Led 26 av eittåringen Mynte Neteland var i kategorien ikonisk på flekken.
Dei nydelege glimta av det vesle mennesket blant alle dei store, som retter handa opp i respons på song og musikk ho kjenner att, varmar hjarte i vinterkulda langt utanfor alle pinsevenn-kretsar.
Det handlar om ein observant fotograf, som kjem tett på, og formidlar eit perspektiv vi altfor sjeldan ser. Vi likar rett nok å seia at vi er opptekne av barnas perspektiv. Men sjansen for at bileta av Mynte overraska oss, er stor.
