REFORM: Det er behov for ein rusreform. Men ikkje den regjeringa har lagt fram, skriv Kjersti Toppe. På biletet ser vi kunnskaps- og integreringsminister Guri Melby (V) og helse- og omsorgsminister Bent Høie (H) under presentasjonen av regjeringa sitt forslag til rusreform.
Heiko Junge / NTB
Avkriminalisering er ikkje svaret
Vi har ikkje råd til ein politikk der vi gamblar med auka narkotikabruk blant ungdom.
Regjering har fremma sin rusreform til behandling i Stortinget om å avkriminalisere bruk, besittelse og erverv av narkotika.
Reforma vil kunne få store konsekvensar for barn og ungdom. Senterpartiet vil at rusavhengige skal møtast med helsehjelp, ikkje straff. Det er det fullt mulig å få til, utan å avkriminalisere narkotika for alle.
Regjeringa hevdar at avkriminalisering ikkje fører til auka bruk. Folkehelseinstituttet påpeiker i sitt høyringssvar at påstanden er tvilsam og ikkje tilstrekkeleg vitskapeleg grunngjeve.
