Anden, vatnet og blodet

Apostelen Johannes skriv at alt som er født av Gud, sigrar over verda. Anden, vatnet og blodet vitnar om det, og den som har vitnemålet i seg, deltek i sigeren. 

Ved kvart møte i påsketida helsa Jesus apostlane «Guds fred», slik brukvisa var også i vår kultur, til det gjekk av moten.

Den kristne påskefeiringa har alltid handla om krig og fred. Jødane venta den fyrste påska i Egypt på dødsengelen. Ikkje gevær og kanoner skulle verne dei, men påskelammet sitt blod stroke på dørstolpane i husa. Og i Jerusalem var folket samla bak stengde byportar i påska under romersk okkupasjon.