Debatt
LITE ELLER INGENTING: I eit nytt utkast til nordiske kosthaldsreglar vert det vist til at det ikkje finst noko trygt nivå av alkohol, og at ein difor tilrår å anten unngå, eller å avgrense alkoholinntaket.
Gorm Kallestad/NTB
Alkoholen sin dualisme
Alkohol er ei lovleg vare. Alkohol er potensielt ei vare som kan gje avhengigheit hjå dei som brukar denne drikka. Denne dualismen som ein møter i nærleik med alkohol, er det som kan skape nokre tankar både hjå staten, fylka og kommunane sett i høve til kostnader i «samfunnsrekneskapen», hjå frivillige organisasjonar – og hjå oss alle.
I Nettavisen 17. april 2023 kan vi lese i ein tittel at «Nye kostholdsråd kan anbefale totalavhold». Det er i samband med utarbeidinga av nye nordiske kosthaldsråd at dette har vorte lansert. Tidlegare har kosthaldsråda gjerne sagt noko om mengde alkohol som er tilrådd, medan ein no kanskje landar på at totalavhald er det beste.
«Myndighetenes nye helseråd kan ende med en anbefaling om å korke flasken for godt. Ingen mengde alkohol kan sies å være sunn, viser forskning.» Det kan ein lese meir om i saka i Nettavisen, og Nettavisen viser igjen til ei sak i Nationen.
