Debatt
ACER: Bygningen som huser hovedkontoret til ACER (EU-byrået for samarbeid mellom energireguleringsmyndighetene i Den europeiske union) i Slovenias hovedstad Ljubljana.
Fredrik Varfjell / NTB
ACER og EU sin energiunion blir meir og meir inngripande
Vi vil ta tilbake politisk kontroll over krafta ved å frikople Noreg og RME frå ACER. Vetoretten i EØS må takast i bruk mot EUs fjerde energipakke.
Stortinget vedtok 22. mars 2018 EU si tredje energimarknadspakke og dermed tilslutning til ACER. Dette vart gjort med simpelt fleirtal trass i at eit slikt vedtak er suverenitetsavståande og skulle hatt tre fjerdedels fleirtal.
No ser vi at Noreg si innlemming i ACER og EU sin energiunion er langt meir omfattande enn det Stortinget la til grunn. Marknadsstyrte, varige EU-straumprisar gjennom nye høgkapasitetskablar viser tydeleg kor lite Noreg sjølv kan setja eigne, innanlandske straumprisar, basert på vår låge produksjonskostnad frå vasskraft.
EUs energibyrå ACER har dei seinare åra treft ei rad avgjerder med store konsekvensar for kraftmarknaden. Då regjeringa i fjor haust skulle undersøkje handlingsrommet i EØS for kraftreguleringar, var det RME (Reguleringsmyndigheten for energi, red. anm.) som blei spurt. RME avviste at det er tillate å avgrense krafteksporten av omsyn til straumprisen. Kor blir det av folkestyret når avgjerande delar av kraftpolitikken ikkje lenger er underlagt folkevald kontroll?
