FILOSOFI: Einar Duenger Bøhn er professor i filosofi ved Universitetet i Agder. Han omtalar seg sjølv som ein «håpefull ateist».
Beate Haugtrø / NPK
Filosofiprofessor:
– Jesus og Sokrates har mykje til felles
Dei to martyrane utfordra autoritetane, søkte sanninga og var tru mot seg sjølv, poengterer bokaktuelle Einar Duenger Bøhn.
Viss Duenger Bøhn skulle ha lese berre éi bok på denne jord, hadde han valt Sokrates' forsvarstale.
Her møter me den aldrande Sokrates på tiltalebenken i Athen i år 399 f.Kr.,- skulda for ugudelegdom og spreiing av vranglære.
Rettssaka endar med at Sokrates, med standpunkt som provoserte makthavarane, vert dømd til dauden ved å tøma eit beger med gift.
