Timoteus og oss: Djupe spor i sjelslivet

I sjelslivet ber vi alle med oss djupe spor frå barneåra. Klimaet i heimen, livsideala som rådde, skakande opplevingar, måten lærarane møtte oss på – alt sette spor som vi ikkje så ofte tenkjer over.

Timoteus vaks opp i ein heim der mor var jøde, og far var grekar. Guten vart difor ikkje omskoren. Men mors haldningar prega likevel oppsedinga. Gudstrua hennar skein igjennom. Ho ville gi vidare det ho sjølv bygde livet på. Paulus skriv til sonen hennar « … og heilt frå barndommen kjenner du Dei heilage skriftene» (2Tim 3,15).

Bibelforteljingane og salmane fekk prege det indre livet i heimen – utan at far sette seg imot dette.