VELSIGNING: Abbeden ved Nye Valamo munkekloster, igumen Mikael velsignar folket med heilagt vatn etter ei gudsteneste.
Privat
Stadig fleire unge kjem til klosteret: – Ei uforklarleg indre lengt driv dei
Eit kloster i dei djupe finske skogar opplever daglege busslaster med besøkjande og stadig vekst i talet interesserte. Kva ligg bak?
Store mengder mygg surrar rundt oss i det me søkjer tilflukt i kapellet innvigd til hellige Nikolai like ved innsjøen Juojärvi.
– Myggen kan vera ganske plagsam, seier fader Mikael. 49-åringen er igumen (abbed) ved Nye Valamo kloster.
– Men når me feirar liturgi skjer det noko spesielt. Kva gong når me kjem til kjerubhymnen sluttar myggen å plaga oss. Den let oss vera i fred heilt til dei heilage gåvene er utdelt. Så begynner den igjen, fortel han.
