TRU OG TVIL: Den britiske forfattaren og journalisten Louise Perry deler tankar om trusliv og kristne verdiar i eit nytt intervju i den kristne podkastserien «Speak Life».
Skjermdump frå YouTube
Profilert journalist og forfattar: – Avkristninga gjer folk ulukkelege
Den britiske forfattaren og journalisten Louise Perry fortel no ope at ho meiner kristne verdiar legg det beste grunnlaget for eit velfungerande samfunn.
– Kristendomen gjev gode resultat når det gjeld å byggja vakre, svært funksjonelle sivilisasjonar. Avkristning gjer det motsette og gjer folk ulukkelege.
Det ytrar den britiske forfattaren og journalisten Louise Perry (33) i eit ferskt intervju med den australske pastoren og podkastverten Glen Scrivener.
Perry skildrar dermed kristendomen som «sosiologisk sann», mellom anna fordi ho meiner kristendomen gjev eit meiningsberande rammeverk for liv, moral og samfunn.
