BOKAKTUELL: Prest og sjelesørgjar Per Arne Dahl (75) lanserer ny bok den 13. oktober.
Odd Mehus
Per Arne Dahl i ny bok: – Gud lovar ikkje gull og grøne skogar
I boka Aktiv Livshjelp freistar teolog og sjelesørgjar Per Arne Dahl å gje nokre svar på livets store spørsmål. – Kristentrua gjev ei håpefull livshjelp utan å lova for mykje, seier Dahl.
Dei to siste åra har ein vekentleg kunna sjå og høyra prest, teolog og tidlegare biskop Per Arne Dahl under sjelesorgsprogrammet «Liv Laga» på TVL.
Då Verbum forlag, under Bibelselskapet, spurde om han kunne tenkja seg å konvertera TV-programmet til bok-format, tok han utfordringa.
– Å gjera fjernsyn om til bok har eg aldri gjort før, seier Dahl, som er takksam for den sjeldne mogleiken han har fått saman med gode folk i forlaget og kollegaer med sjelesorgfagleg kompetanse.
