METODISTKYRKJA: Protestantar mot eit konservativt vigselsforslag samlar seg utanfor den ekstraordinære generalkonferansen til Metodistkyrkja i 2019.
Sid Hastings/AP/NTB
Metodistkyrkja i Noreg ligg an til å opne for likekjønna vigsel
Dermed kan kyrkjesamfunnet bli den første frikyrkja i Noreg som følger etter Den norske kyrkja.
Om kort tid samlar Metodistkyrkja sitt «kyrkjemøte» seg i Larvik.
Kyrkjesamfunnet har i fleire tiår diskutert likekjønna samliv.
Men når sakspapira til møtet nyleg blei publisert, låg det eit forslag, sendt inn frå Metodistkyrkja i Drammen og Harstad, som kan sjå ut til å løyse den årelange konflikten.
