BØN: Mathias Fosse er teologistudent og kyrkjelydsutviklar i Salem Bergen. Han har gjort seg nokre refleksjonar rundt bøna «Fader Vår».
Kai Flatekvål
Mathias (25) om «Fader Vår»: – Tvingar oss til å utvida perspektivet
Tidleg lærte han «Fader Vår» utanåt. I dag ser han kor mange element denne bøna rommar, og korleis ho utfordrar mennesket til å sjå livet frå fleire vinklar.
I preiketeksten sundag 25. mai, Matteus 6, 7-13, lærer Jesus disiplane korleis dei skal be, og han introduserer dei til «Fader Vår».
Mathias Fosse er teologistudent ved NLA Høgskolen i Bergen og kyrkjelydsutviklar i Salem Bergen. I barndomsåra, før leggjetid, bad han saman med foreldra ved sengekanten – og orda frå «Fader Vår» festa seg tidleg i minnet.
I vaksen alder har han bite seg merke i at denne bøna, gjennom få og komprimerte ord, faktisk skildrar dei bøneemna som ligg kvar einskild på hjarta.
