Forskar: Vekkingar kom kvart 14. år

Denne veka fekk Tjomsland godkjent avhandlinga i historie som han skal disputere for i juni. Interessa hans for indremisjonsrørsla vart vekt då han gjekk på Nordfjord folkehøgskule for 25 år sidan.

– Det hadde ikkje eigentleg noko veldig preg av å vere ein indremisjonsskule då, seier Tjomsland som er tilsett som stipendiat ved Høgskulen i Volda.

Han er gjest i Dagen-podkasten Tore og Tarjei denne veka. Episoden er spelt inn på Remøy og Sævik bedehus på Sunnmøre. Opptaket vart gjort i samband med at dette huset fyller 100 år i 2025.