ERFARING: Johan Halsne (61) har forkynt på bedehus i gjennom det meste av sitt vaksne liv.
Tore Hjalmar Sævik
Forkynnar: – Eg snakkar ofte i eit ekkokammer
Indremisjonsleiar Johan Halsne åtvarar mot at bedehusfolket kritiserer ei verd dei har trekt seg ut av.
Denne sommaren er Halsne på veg frå stillinga som krinsleiar for Indremisjonsforbundet på Sunnmøre til tilsvarande jobb i Rogaland.
– Indremisjonen har vore viktig og kan vere like viktig i framtida, seier Halsne i den nyaste episoden av Dagen-podkasten Tore og Tarjei.
Han meiner den kristne bodskapen alltid er aktuell. Men i dagens samfunn synest han det blir tydeleg fordi mange målar verdien sin i korleis dei ser ut eller kva dei kan prestere.
