Naturens rike og nådens rike

Eit studium av Blix-salmane viser hans sterke kontakt med framveksten av den nasjonale rørsla og av nynorsken. Fedrelandssalmen er det beste eksempelet: «Gud signe vårt dyre fedreland».

Blix elskar landet sitt og skriv meir om skaparverket og om livsrytmen enn dei fleste salmediktarar. Men vart Blix einsidig?

Nei. Denne andaktsserien har vist kor bredt han femner. I dag kjem eit nytt døme på det: Salmen «Himmelske fader». Hovudtemaet er at Gud styrer både naturens rike og nåderiket. I mange skolar vart denne lært utanåt i fleire tiår.