VITNESBYRD: Den pensjonerte industriarbeidaren Helge Ingvaldsen frå Bømlo deler vitnesbyrdet sitt med Dagen.
Gunnhild Lønning
Han bad Gud om å få faren heim: – Men slik vart det ikkje. Eg vende Gud ryggen for godt
Etter fleire nederlag i ei turbulent barne- og ungdomstid miste Helge Ingvaldsen trua. I dag fortel han at han er fylt med «Guds underfulle fred».
I barneåra vart Helge Ingvaldsen mobba mellom anna fordi han stamma. Det gjorde at han vart hissig og gradvis bygde opp eit sinne som forsvarsmur.
I tillegg var faren hans sterkt prega etter opphaldet sitt i konsentrasjonsleiren Grini dei siste sju månadene av 2. verdskrig.
– Pappa fekk varige mein. Han hadde det så vondt at han ikkje kunne uttrykkja kjensler. Eg fekk lite kontakt med han, og eg var for liten til å skjøna kvifor pappa var sånn.
