LUNSJAR OG GÅR TUR SAMAN: Grete Haga (79) og Ida Bjørnevik (17).
Alice Tegle
Veninnene Ida (17) og Grete (79) møtest i kyrkja kvar onsdag
Den nye kyrkja på Tau i Ryfylke fører folk saman på måtar som før berre var ein fjern draum for soknepresten.
Med joggesko og rullator kjem dei eldre kvinnene gåande mot ungdommane som sit i resepsjonen i kyrkja, klare til å ta imot dei.
– Du og du. Sjå på alle dei flotta ungdommane, utbryt pensjonistar i munnen på kvarandre.
Dei fleste har bare snakka med kvarandre i telefonen, men med pandemien på avstand og ny kyrkje å samlast i blir det fart på sakene.
