SKULELEIINGA: Assisterande rektor André Skjærpe og rektor Målfrid Heien Førde ved Oltedal skule i Rogaland.
Alice Tegle
Snikfilming på skulen skremte elevar og lærarar. Då tok rektor mobilen frå alle elevane
Den vesle bygdeskulen i Oltedal er mobilfri. Forbodet har påverka skulemiljøet.
Snikfilming og deling i sosiale mediar. Ukonsentrerte elevar i timen, og friminutt der det sosiale samspelet flytta seg frå skulegarden til Snapchat-grupper.
Oltedal-rektor, Målfrid Heien Førde, likte ikkje det ho såg.
– Det har vore mykje styr med mobilen, seier den erfarne skuleleiaren.
