FRÅ ELFENBENSKYSTEN: Metodistpastor Pierrette Ayite.
Kari Fure
– Gud visste kva han gjorde då han let kvinnene kome først til grava, og eg elskar han for det
Dei levde i ein kultur der kvinners vitnesbyrd var lite verd. – Likevel valde Gud kvinner til å vitne om at Jesus hadde stått opp.
Det er daggry den første dagen i veka. Himmelen lysnar i aust. Fuglane har byrja å synge. Enno er det litt rått og kaldt i lufta.
Ein liten flokk kvinner er på veg mot Jesu grav med angande olje. Då får dei sjå at steinen er rulla frå grava. Dei går inn, men finn ikkje Herren Jesu kropp.
Kor forskrekka må dei ikkje ha vore. Og endå meir då to menn i skinande klede brått står framfor dei og seier at Jesus ikkje er der. Han har stått opp.
