HANS OLAV MØRK: Prest Hans Olav Mørk er den faglege leiaren for den nye bibelomsetjinga til lettlest norsk.
Dan Aksel Jacobsen / Bibelselskapet
Unik bibelomsetjing igangsett av Bibelselskapet
For første gong skal Guds ord bli tilgjengeleg på lettfatteleg norsk. Prosjektet skal realiserast gjennom eit nyskapande samarbeid mellom forfattarar og språk-ekspertar.
Den nye bibelomsetjinga er fødd ut av ei ny innsikt om nordmenns evne til å lesa ein vanleg tekst. Mellom 20 og 30 prosent av folket slit med det.
– Denne problemstillinga jobba eg ein del med då eg jobba i Kirkerådet, før eg kom til Bibelselskapet, fortel Paul Erik Wirgenes.
– Me såg at born og unge, og dessutan menneske med ulike språklege utfordringar hadde behov for bøker og pedagogiske opplegg på enkelt språk. Samtidig var me godt kjende med fagorganisasjonar som «Leser søker bok».
