YRKESFAGELEVAR: Torger Lauvvik (16), Håkon Sivertsen Lauvsnes (17) og Daniel Askvik (16) er avløysarar og elevar ved bygg- og anleggsteknikk på Tryggheim vidaregåande skule.
Alice Tegle
Torger (16) og kompisane fekk ikkje plass i mannsutvalet. Slik vil dei løyse problema til norske menn
Mannsutvalet vil ha mindre kjønnsforskjellar. Tryggheim-gutar vil ha meir. Men på eitt område saknar dei likebehandling.
– Det verste med å vera ung mann i dag er forskjellsbehandlinga, som gutar og jenter får på skulen, seier bygg- og anleggselev Daniel Askvik (16) på Tryggheim vidaregåande skule.
Med glinsande dollarsmykke og elvisparykk tek Askvik imot Dagen på Kristeleg folkeparti Ungdom (KrFU) sitt arrangement, Pizza og politikk.
Det er fisketorsdag på internatet, så oppmøtet er godt.
