Tidlegare pastor manar kyrkjene i ny bok: - Me må omfamna alle folkeslag

I 2010 reiste dei dåverande geologistudentane Espen Eidsvåg og kona Jenny til USA på utveksling.

Der opplevde dei å verta godt mottekne av kristne amerikanarar. Dei vart inviterte inn i heimen deira og kjende seg varmt velkomne i den kristelege fellesskapen.

Difor gjorde det sterkt inntrykk på Eidsvåg å få vita at om lag 80 prosent av internasjonale studentar i USA aldri fekk gleda av å verta inviterte heim til ein amerikanar.