TENTHUSET: Arne Kristoffer Haaland er dagleg leiar i misjonsorganisasjonen Tent. Her utanfor Tenthuset i Bergen.
Kai Flatekvål
Tent-leiaren har eit mål om minst éin kristen på kvar arbeidsplass i verda
Han drøymde om å verta fotballspelar, men enda opp som lærar og deretter misjonær. I dag leier Arne Kristoffer Haaland ein organisasjon som vil gjera yrkeslivet til misjonsmark - verda over.
I to år har Arne Kristoffer Haaland vore dagleg leiar i misjonsorganisasjonen Tent Noreg.
I sin ungdom hadde mannen ein draum om å verta fotballspelar, men etter kvart la han draumen på hylla og utdanna seg til lærar i staden. Sidan har han stilt til teneste i både skuleverket og misjonsbransjen.
I dag kombinerer han pedagogikk og engasjementet for misjon i rolla som dagleg leiar i Tent Noreg; ein organisasjon som arbeider for å integrera truslivet i arbeidslivet.
