STERKE INNTRYKK: Tommy Øvretveit har samla forteljingar til dei som opplevde øydelegginga av Telavåg for 80 år sidan.
Odd Mehus
Telavåg-tragedien: Bestefaren nekta å hate tyskarar
Nazistane jamna heimbygda Telavåg med jorda og sende Simon Øvretveit i konsentrasjonsleir. Barnebarnet Tommy Øvretveit har laga film for å bevare forteljinga.
Ein stiv, kald bris frå nord dreg gjennom den vesle bygda ute i havgapet på Sotra vest for Bergen. Sola skin på den rukkete sjøflata i den trange vågen som er omkransa av velstelte hus. Berre svake dunk frå ein hammar og den fjerne duren av eit helikopter bryt gjennom vindsus og bølgjeskvulp.
Så fredeleg var her ikkje for nøyaktig 80 år sidan: Då stod heile bygda i brann. Telavåg vart råka av ei av dei mest dramatiske hendingane i eit norsk lokalsamfunn under andre verdskrigen.
28 døydde i konsentrasjonsleir
