BØN: Altermotiv av Jesus som bed i Getsemane.
Foto: Odd Mehus
Stridsmannen frå Getsemane: - Kristus syntest å tvila på eiga gjerning
Jakob Sande sin kjende «Salme» skildrar Jesu pinefulle vandring til Golgata. Diktaren si dotter meiner salmen seier noko djupt om Guds son – og om det tvilande mennesket.
- Eg synest salmen til faren min er vakker, seier Siri Sande (81), dottera til den kjende diktaren Jakob Sande (1906-1967).
Det dreiar seg om salmen ved namn «Salme», som òg går under namnet «Du som låg i natti seine», utgjeven i 1931.
Noko av det som slår Siri ved faren sin salme, er kontrasten mellom den kongelege Jesus som sigra over dauden og den sårberre, upretensiøse og einsame menneskesonen i Getsemane-hagen natt til langfredag.
