VAKTLEIAR: Jørgen Ydstebø frå Stavanger deltok på sitt første UL som 15-åring. Han stiller som frivillig for at unge kan halde fram med å delta på det tradisjonsrike kristne arrangementet.
Henrik Foss
Sparer kristen festival for ein halv million kroner
Jørgen Ydstebø og dei 125 andre med gule vestar på UL, sparer den kristne ungdomsfestivalen for ein halv million kroner.
– Det er kjekt å vere med, og det er viktig å vere med. Ungdommane skal drive misjonsarbeidet vidare, seier Jørgen Ydstebø frå Stavanger som sjølv var deltakar på festivalen i ungdommen.
På dagtid arbeider han som prosjektleiar i byggebransjen. Etter arbeidsdagen er over stiller han som vaktleiar på den kristne ungdomsfestivalen UL i Stavanger.
– Dei unge må oppleve at vi er villige til å spandere tid på dei, seier Ydstebø.
